論讀書
在香港,我經常聽到有好些家長叫仔女要好好「讀書」。哇!我係佢個仔女,一聽到「讀書」,除左覺得好悶,還是好悶。
究竟何謂「讀書」?故名思義,即係攞住本書黎讀,咁你話悶唔悶?但喺我地中國,一直強調「讀書」,而讀書既最高境界係背熟佢。古時候背既書就有《三字經》丶《四書五經》等等。我地對於呢啲古書,唔需要明,只要背得出,寫得啱,便能考取功名。
反觀西方,從來都冇「讀書」呢個概念,「讀書」既英文只能譯作learn或study。從劍橋字典解釋︰ learn係初學的意思;而study係研讀,亦即是深入學習,探討研究的意思。簡單黎講,兩者都係叫「學習」,你唔會搵到一個「讀書」呢個概念既英文,因為係佢地既思想入面,從來都冇「背書」呢個概念。你試下係佢地面前反覆咁背書,可能佢地會覺得你好奇怪。
由此,係中國,由於我地背書叻,所以我地很能複製人地既產品或成功;反觀西方,由於他們着重深入的探討和研究,講求靈活運用,所以新發明多在西方。
最後,若你有兒女的話,以後要跟佢地講,要好好「學習」,而不是好好「讀書」,因為語言能改變思想,思想能改變命運喔!
- 2016-11-24
- 1608